ياللى بدعتو الفنون
وعشقتو أسرارها
دنيا الفنون دى خميله
وانتو أزهارها
والفن لحن الخلود
يلعب بأوتارها
والدنيا دنيا جميله
وعشقتو أسرارها
دنيا الفنون دى خميله
وانتو أزهارها
والفن لحن الخلود
يلعب بأوتارها
والدنيا دنيا جميله
وانتو أنوارها
فى يومين حتماً وقعوا من كتاب ألف ليله وليله أو يمكن طلعوا من فيلم فيرى تيل من عينة سندريلا وسنووايت حسيت بمعنى المقطع اللى فوق ده من رائعة عبدالوهاب.. ولإن الأوقات الحلوه بتجرى جرى وتسلمنا سريع سريع لدنيا تانيه وصفها سيد حجاب وتغنى بها على الحجار مالحقتش امبارح غير إنى أنزل شوية أغانى من حفلة على اللى حضرتها ف الساقيه (نزلتها على صفحتى ع الآيميم بعد سيرتش مضنى عشان أحطها هنا ف علبة المجوهرات)..وجارى تحميل بعض صور أخدتها هناك ف الساقيه وكمان ف مهرجان الإبداع التشكيلى المقام بمتحف الفن المصرى الحديث بالأوبرا اللى رحناه تانى يوم (برضه هاجيب الألبوم ف لينك هنا لما أخلص)..وبالفعل خلصت ترتيب الصور ف ألبوم فيسبوكى لذييييييذ ومعسل زى عم بطاطا بالظبط.. إنجووووى.. بس على فكرة بالنسبة للوحات المعرض اللى عجبتنى وصورتها كانت كلها بدون عنوان.. ومارست هوايتى ف العنونه وربط الانطباعات الأولى بالصور.. محتاجه أكتب أسماء الفنانين وده إن شاء الله يحصل قدام شويه لما أحصل على كتالوج المعرض اللى ماكنش متوفر يومها.. ياريت أعرف منكو إذا كنت باعرف أصور ولا لأ.. وترقبوا تفاصيل الرحلة لما بس ألملم التفاصيل وأعرف أكتب
نفسى أرغى أوى وأحكي التفاصيل بس للأسف ورايا شغل.. ماهو لازم نرجع تانى للدنيا اللخابيط.. ادعولى أفضى وأحكى
اسيبكو دلوقتى فى دعوة لتأمل كلمات الغنوه دى
يا مصري ليه دنياك لخابيط والغلب محيط؟
والعنكبوت عشش ع الحيط وسرح ع الغيط
يا مصري قوم هش الوطاويط كفاياك تبليط
صعبه الحياه.. والحل بسيط .. حبة تخطيط
فتحت باب استيرادك وصرفت فوق ضعف ايرادك
حلي للخواجه استكرادك.. سابك بتقرا في أورادك
وده قشطك ونزل تشفيط
يا مصري ليه دنياك لخابيط والغلب محيط؟
والعنكبوت عشش ع الحيط وسرح ع الغيط
ومهولاتي تحب تظيط
ساعة الفرح زغاريد تنطيط
وف المياتم هات يا صويط
وف المظاهرات سخن تشيط
وف الانتخاب تنسي التصويت
يا مصري ليه دنياك لخابيط والغلب محيط؟
والعنكبوت عشش ع الحيط وسرح ع الغيط
وليه بترشي وتتساهل؟
وتضيع حقوقك بالساهل
تستاهل النار تستاهل
يا غويط ويحسبك الجاهل
ساهل وساهي وغبي وعبيط
يا مصري ليه دنياك لخابيط والغلب محيط؟
والعنكبوت عشش ع الحيط وسرح ع الغيط
يا مصري ياللي الغلا عاصرك
والنهب في عصرك حصدك
قوم للحياه واسبق عصرك
ولاحاجة حترجع مصرك
إلا إن تكون شغال ونشيط
يا مصري ليه دنياك لخابيط والغلب محيط؟
والعنكبوت عشش ع الحيط وسرح ع الغيط
يا مصري قوم هش الوطاويط كفاياك تبليط
صعبه الحياه.. والحل بسيط.. حبة تخطيط
هناك 8 تعليقات:
كلمات الاغنيه حلوه اوووووووووى بجد
بس المصرى زهق وطق
يا مصري قوم هش الوطاويط كفاياك تبليط
صعبه الحياه.. والحل بسيط.. حبة تخطيط
مش عارف حاسس انى المصرى خايف يجى وطاويط العن من الموجودين؟؟ او هو حب التبيلط؟؟
الكلمات كمان أحلى بصوت على الحجار يابطوط.. عارفه إنك مش غاوى أغانى.. بس دى مش أى غنوه..بتفكرنى بأغانى سيد درويش كده
لو حبيت تسمعها أدخل ع اللينك (أغانى أنتيكه) واعمل أكاونت عشان تعرف تسمعها كاملة:)
وباحب مقولة "استمتع بالسئ فالأسوأ قادم".. ربنا معانا كلنا
بتغظينا يعني علشان رحتي الحفلة
ماشي يا ستي
انا هغيظك برده لما ارجع ان شاء الله من حفلة مارسيل خليفة
مي..أنتى اللى فضلتى دريم بارك على حفلة على.. المفروض تخجلى من نفسك- على رأى زكى رستم ف نهر الحب.. ليا سؤال: ركبتى عربيات السباق اللى بالبنزين؟
هتحضرى مارسيل؟ أنا عندى شغل يومها.. فاللهم لا حسد ولا حقد ولا غل.. بس لو المسرح انهار أو ولع أو حاجه اعرفى إنه أكيد مش أنا اللى ورا الموضوع
عرفت إزاى أحط الغنوه مع التدوينه.. مبسوطه أوى.. كده تسمعوها براحتكو :)
الكلمات بتاعت الاغنية جميلة بس ميين اللى كان بيغنيها وانا مش سمعت الاغنية دى من قبل
بس الصراحة تعبر عن واقع مظبوط بس عايز تخطيط مش بسيط
عبد الناصر
أنا برضه ماسمعتش الغنوه لغاية لما حضرت حفلة على الحجار الأخيرة ف الساقيه.. وبجد دى كانت هيت الحفلة- أحلى الأغانى اللى عجبتنى.. ولما دورت على كاتب الكلمات ع النت عرفت إنه البديع سيد حجاب
الأغنية دي بالذات الأروع في الحفلة جمييلة أوي
بجد يا هبة كانت حفلة جميلة جدا
إرسال تعليق