أخويا: ده قديم أوى يابنتى! هيجيلنا تخلف
أنا: تخلف بتخلف
وبعد جولة طويلة مابين الفضائيات اخترت قناة "ديزنى" والتى قدمت فترة لكلاسيكيات الكارتون كان من ضمنها هذا الفيلم
وينتهى الفيلم وأنظر لأخى وقد خرج هو الآخر بالعظة والعبرة.. فأسأله فى دهشة: هى ليه الناس بقت شبه معازيم عيدميلاد بلوتو؟؟
هناك 10 تعليقات:
طب الناس الى معزومين فى عيد ميلاد بلوتو شكلهم جميل وقمامير والله بجد مش مجامله :)
انا عن نفسى لو لى اصحاب جمال كده مستعد مكلش يوم عيد ميلادى
وكمان لعبوه ولعب معاهم
وفى الاخر لقى صديق وفى بيحبه وبيقدمه على نفسه
مش قصدى شكلهم طبعاً يابطوط.. قصدى تصرفاتهم.. أنت شايف إن بلوتو انبسط ف اللعب مع العيال دول؟! عموماًهى وجهات نظر
سؤال بقى محيرنى- بعيداً عن ميكى وبلوتو-هو ليه بطوطة ممكن تفهم بتقول ايه لكن بطوط لأ؟
يا هوبه والله فهمت
انهم عيال غلسه وانانيه وقعدوا يلعبوا ولا كأن عيد ميلادهم
بس انا عجبنى شكلهم فكنت بقول انا لو عندى اصحاب شكلهم حلو كده ورخمه يبقى شغال
انما لا شكل ولا تصرفات
ههههههههههههههه
هو التعليق لولبى شويه وماشى فى اتجاه عكسى انا نفسى لما شفته قلت ايه الهبل ده
المهم عادى شغال
بطوطه طبعا بتفهم عن بطوط والدليل انها اختارته
:)
اعتقد ان بولوتوا كان يجب ان يقوم بأفعال ترضيه ولا يبقي مجرد رد فعل لما يفعله هؤلاء متجاهلين وجوده
وذلك لانه فعلا كان يحلم او يتخيل ما يريده
سمراء
هوبه ازيك عامله ايه
الصراحه عندك حق الناس دلوقتى مابقتش بتراعى غيرها انا ثم انا ثم انا
اهم حاجه انا اتبسط غيرى مش مشكله
بس لو تلاحظى مش تلاقى كده بس لا الناس بوجه عام بقت اخلاقها و طباعها بتوحش كل يوم عن التانى
اللهم عافنا
واحشتينى اوى نفسى اشوفك قريب وشكرا على سؤالك عليا بس انا كنت مكتئبه شويتين
تحياتى
بطوط!
شكراً ع التوضيح
#####
سمراء!
يعنى هيبقى عيدميلاده ومطلوب منه برضه يعمل حاجه؟؟
#####
نور!
لو انتى اكتئبتى احنا نعمل ايه بس؟ روقى كده.. داحنا بنستمد النور منك.. بس ده مايمنعش برضه إن النور ساعات بيقطع! خدى وقتك وطمنينا عليكى
عارفه ياهوبا الناس ليه بقت شبه
معازيم عيد ميلاد بلوتو
لان بلوتو من فصيله والمعازيم كانوا من فصيله
عشان كده مندمجوش مع بعض ومفهموش بعض
يعني لو كانوا المعازيم بلوتات ههه
اللي هي جمع بلوتو ياهبه كانوا فهموه وعلي الاقل جابوا
له الهديه اللي يحبها العضمه يعني
هوبا انت كورسات الساعه كام وفي لاب ايه
انا بكون في الجامعه اعدي اشوفك
يلاسلام بقي رغيت كتير
معاكى حق ياميدى.. أهم معازيم كتير بس منظر وخلاص.. إنما التركيبة مختلفة.. يارب ارزقنا ناس من تركيبه شبيهة لتركيبتنا
هابعتلك إس إم إس بالتفاصيل.. ونتقابل قريب إن شاء الله
لا مهو مش هينفع كده
خلاص انتى تجيبى الرجاله بتوع عيلتكم وانا اجيب الرجاله بتوعنا
ونعمل قعده عرب
يعنى لا بتكتبى , ولا بتعلقى , فيه ايه؟
انا مصمم على قعده العرب جهزى الرجاله
تصدق يا بطوط إنك يمكن الوحيد اللى بيبقى عايزنى أكتب! كل الناس بقت محبطة بجد+ الظروف (الكمبيوتر كان بيتصلح ولما جه حصل مشكلة ف النت)+ أنا دماغى بقت صفحة بيضااااا ومش لاقيه اللى يعلم فيها ويخلينى أكتب عنه
المهم شكراً على هدايا رمضان الفيسبوكية.. ومش عارفه أردها لإن مافيش بينى وبين الفيسبوك عمار فتلاقى الصفحات هناك مش طايقانى وبتتحمل بطلوع الروح.. بس لو هاهديك هتبقى قطايف بيتى صنعة ايديا وحياة عينيا.. كل سنة وأنت بطوط ورمضان كريم
إرسال تعليق