فتحت كشكولها الجديدو ف أول صفحه بيضا
رسمت إطار داير مايدور
بالقلم الرصاص والمسطره
بره الإطار وقعت حبة أحلام
على شوية أمانى وآمال متبعتره
وف قلب الصفحه كتبت كلمة
الهدف
وحطت نقطتين فوق بعض
وحاولت تجمع أفكارها المتنتوره
ومع الأيام
ومهما تتأزم الأمور
اكتشفت إن
الدنيا بتحلو
لو بس يظهر هدفها
ف شكل سطور
شايله الخطاوى الصغيره
#####
هناك 8 تعليقات:
هوبه انتى ليه قاعده على قلبنا وكابسه على نفسنا ومش مخلينا نقول اى كلام غير بعد ما ترجعيه هه؟؟؟؟
ليه كل ده ؟؟
يعنى مانعه ان حد يغش كومنت من الى قبله ؟؟ههههههههههههههههه
فانا من مكانى هذا اطلب بالحريه لكل المعلقين عشان سياسه الكبس دى هتولد الانفجار وهنضطر نفجر المدونه
وانا ممتنع عن الكام غير لما اشوف كلام الناس التانيييييييييييين
هوبه متمنعينيش من الكام كتير اصله عاجبنى البوست بجد وكابس فى نفسى وساكت
هههههه.. شفت يابطوط..أنت أول واحد تعلق أهو.. يعنى مفيش مجال للغش
أنا بس اتعلمت م الياهو 360.. هناك كنت فاتحاها ع البحرى لأى حد يعلق بس اكتشفت حجم الاستظراف الكبير فقلت أقصرها ع الصحاب بس.. هنا بقى اكتشفت الأوبشن ده وداخل دماغى أوى.. أصل هنا برضه ناس كتير بتستظرف.. مش عارفه أروح فين م المرح ده! بس
وتفجر المدونه؟ يهون عليك الفيونكات:(
بس انتى هنا يا هوبه واضح ان مزاجى عالى اوى اغانى واشراف من حديد
والبوست تحفه وهعتمد على نفسى واعلق يعنى مش حارمه حد من حاجه هههههههههههههه
البت الى فو البوست دى واعيه كتبت هدفها واقعدت تخطط له كلماتك جميله اوى بجد ياهوبه هو انتى كل ما تغيرى المدونه تبقى احلى زى ما مش عارف مين بيقول كل ما تغير المدونه تصير احلى واحلى او حاجه زى كده - اصلك عارفه انى معرفش حاجه فى الاغانى اخرى اناشيد
حلوة التدوينة بس بتيجي علي الجرح
بقالي كتير قوي مستني سطر واحد منها بس مش لاقيه
مش عارف هو علشان انا عابز اكثر من كدة
ولا ولا ولا
علي العموم صابر و راضي
بطوط
كان كاظم الساهر.. كل ماتكبر تحلى وتصير أحلى وأحلى.. كان تقريباً بيغنيها لكل الستات العواجيز وبكده يحصل على أكبر عدد م الدباديب..ههههه
&&&&
أنور
ورانا ايه غير إننا نصبر.. طبعاً مش سهل نملا الكشكول.. بس ساعات والله ربنا بيكرمنا وبتلاقى الهدف بيتضح شويه.. كلمات فجمل فسطور ففقرات فمقالات
هبة أحيانا لما الكلام يأثر في أوي مش بعرف أعلق ولا بلاقي كلام أقوله
بس أنا حسيتك أوي زي ما إنت حستني بكلامك
على فكرة بنفع أوي تبقي شاعرة عامية
حبة احلام وشوية امانى مبعترة
مش بقولك بموت فى تشبيهاتك لدرجة انى بسرح بجد تعبير جميل اوى اوى
انتى عسولة اوى يا هبه
رحاب!
أنا باموت ف العاميه.. شعر ونثر.. بتحسى إن الكلام طالع م القلب وسلس كده وسهل ف الهضم:)
وأنتى عامله زييا-على رأى نوجا- لما بتأثر بالخبط ف الكلام ده إن نطقت يعنى
&&&
آيه!
انتى الأحلى :)
(على فكرة اسم آيه بيفكرنى بالبنوته الأمورة اللى كانت ف فيلم أحلام حقيقيه)
إرسال تعليق